رسالة لروح امي للشاعر مصطفى فريد //مصر

رسالة لروح أمي رحمها الله

للشاعر/ مصطفى فريد

جاتنى صورتك فى منامى

خففت شوقى وآلامى

بعترت ضيك فى قلبى

نورت عمرى وضلامى

وقتها تهته لسانى

وارتجف م الشوق كيانى

لا قدرت امسك نهر دمعى

ولا حتى افسر لك كلامى

لسه فاكر ياحته منى

عشت طول عمرك تغنى

أتعب انتى تشيلى عنى

أزعلك وكمان تحنى

والإيدين كانت تطبطب

ألقى حر القلب رطب

كل دا ياغالية شطب

يوم غيابك يا امه عنى

كنت أنام تسهر عنيكى

وأما اخاف قلبى يناديكى

كل هم الدنيا يرحل

ويا لمسة من ايديكى

سيبتى جمر الدمع سايل

بيه كتبت أغلى الرسايل

الحروف صبحت بدايل

اواسى بيها القلب فيكى

من يوميها تهت منى

بعد منك دمعى خانى

سال على الخد وسألنى

مين على الايام يعنى

راحت النسمه الجميله

راحت الغاليه الأصيله

كان تعبها كل ليله

لأجل تنام تسهر تغنى

والختام بحروف رسالتى

عاجز اوصف ليك حالتى

بعد ما عنى رحلتى

حزنى قتل في ابتسامتى

الفراق واجع فى قلبى

ليل ونهار مش قادر أخبى

الدموع طلقات فى صدرى

كسرت مقداف سفينتى

ربى يفرش لك فى قبرك

نور وضى بقدر صبرك

تحت قدمك يبقى حنه

توصف الجنه فى ردك

لأجل مايدق الوريد

يوم وصول الرد عيد

اتهجى اسمك من جديد

والحزن يتبدل فى صدرك

الشاعر الدكتور ..سامي حسن عامر /// كيف اوصف غرامك

كيف أوصف غرامك. ؟

وأنت العشق وبوح الروح.

وأنت الخفق واذوب شوق.

يا سنين سفر.

وضوء قمر.

يا حكاية غرام.

ولو بعدت لحظة.

أبحث عنك بكل الدروب.

كيف أوصف غرامك ؟

الطير على الغصون يغني اسمك.

والعين على السما ترسم صورتك.

وأنت نور القلب والشعر يخلد حبك.

أعشقك والقدر اختارك حبيب.

ما ترحل يا غالي او تغيب.

كيف أوصف غرامك ؟

يا بعد الروح وملتقي بوحي.

نظره من عينك تداوي جروحي.

يا سنين عشق وترانيم حكي.

أحبك تسمع السما عن الحب الوفي.

كيف أوصف غرامك ؟

يا عشق في قلبي يلامس منتهاي.

يا حروف عشق ما توصف هواي.

يا عمري وآخر حبي وصوت غناي.

كيف أوصف غرامك ؟...

الشاعر الدكتور ..سامي حسن عامر 

 

https://www.facebook.com/photo/?fbid=4131406623565836&set=gm.3981052868584803&__cft__[0]=AZUBeHiMawXwYZjV1joDLXn-BzWoTzS352Ej17-mXuinJEiGJdZQBKxnEQz81TiSYp3UK4uVViMt6Abx-2wgHMl4NxzTO7jw3apUX-X8j_MFxd-1YaAU4KJImtjI93Z_RRrszSB_aqklZJgTNMNaeHI7&__tn__=EH-R 

يا مؤلم العشاق//محمد طه العمامي

يا مؤلم العشاق

إني مدنف

وحريق شوقي في ذراك ملاب

لهواك نور

في غصون حدائقي

لبسته حليا

كعروس هضاب

قدر غرامك

ليس فيه تعلل

عذبً...

عذاب...

تعلقي...

فعلاقمي إن آبتأست ...

ففي اللقاء رضاب

حبك هو العقيدة

في ضميري... عبادتي

وسؤال لغز

ليس فيه جواب

جزت الحواجز ...

عاشقا متعلقا ...

فالأرض...

ما تعشق إلا الشجعان

وصلت ...

أم العشق

رغم حصارها

لقيت فيها

الصحب والخلان

محمد طه العمامي

 

صراحة ووقاحة ياسر القليعي القليعي

صراحة ووقاحة

أحيانا كثيرة يكون تأثير حزن الحياه بداخلنا وليد اللحظة والظروف .

تتأثر نتيجة المواقف اى كان النوع ويكون هذا التأثير مجرد وقت وينتهى .

ولكن التراكم الذى يترسب بداخلنا يكو ن له تأثير كبير سواء سلبى او ايجابى واحيانا كثيرة يكون وضع التناقض سواء بين القلب والعقل والمفروض انه يتمثل فى الضمير الإنسانى .ويكون وضع الحيرة بداخلنا مؤلم وخصوصا لو يتمثل فيه جانب من الصراحة .وللأسف الصراحة زيادة عن اللزوم يطلق عليها مبدأ الوقاحة.

رغم ان الصراحة فى حد ذاتها حتى لو هتزعل مطلوبة .

احسن من النفاق والكذب والخداع.

مطلوبة للراحة النفسية لأن معظم اوجاعنا المعنوية تتمثل فى الخوف على شعور الآخرين نخاف أن نجرح أحد حتى لو بدون قصد. سواء فاهم او مش فاهم .لأن كل واحد بيتكلم على قد مفهومه او وجهة نظره او قد امكانيته.

فاى كان نوع الإحراج بنفضل السكوت على أن نجرح أحد

تتراكم الأحداث من كثرة السكوت ونتالم فى صمت وحتى الصمت يتفهم غلط احيانا.لأن الصمت له صوت بس يحتاج إلى روح تفهمه .احساس قوى .وللأسف برضوا الإحساس القوى برضوا بيتفهم غلط.وهنا يطرح السؤال

هل الصراحة تعد وقاحة؟؟ 

الحق // مصطفى فريد

الحق

من ديوان / اللقيطة

للشاعر / مصطفى فريد

على قد الحق الضايع بينا

فى ليل العتمة

على قد الصوت الخافت

جوه الحلق

وكسر الذمة

هيعدى من الزمن الضيق

كل المتحوش فى ضميرنا

كل المنقوش جوه آلامنا

وشفة زمنك راح تنطق

ونقول لك قلبك عاش خاين

فى الحق ضرير

كان شايف ظلم وكان بين

كان شاهد ولا عمره إتكلم

كان فاكر حق المظلوم

مش راجع من إيد الظالم

ربك قال. الحق دا راجع

ورياح الكدب أكيد راحله

وخيوط الفضة

من مطرة خوفك ياحزين

لساها فى جوف الليل والعه

مطبوعة ببطش الظالمين

وإللى وراهم قالوا آمييين

كله مسطر فى المكتوب

ونجوم الضلمة المبلولة

بعرق الشقيان

راح تنطق وتقول ع السارق

وضميرك راح يجرى يشاور

أنا كنت معاهم

أنا شاهد

هتلاقي شهادتك حيرانه

فى بحور الخوف

هتلاقي شهادتك بطلانه

وصمتك مكشوف

والروح فى عرقها غرقانه

محتاجة تشوف

إيه باقى حسابها

والكل بيهرب ويسيبها

عريانه بتتمنى خلاصها

ومثبت فوق راسك شاهد

من تحته اربع جدران

الكل بيهرب ويزاحم

وبيطلب عفو الرحمن

وأنت يادوب فى همومك زاحف

والساكت عن حق شيطان

مش قادر من ذنبك تطلع

وما عاد هيفدك نكران

 

ويـرحـــل عــــام ////محمود غازي درويش

((ويـرحـــل عــــام ))

ما بين الحزن والفرحـة

بـيــرحــــــل عـــــــــام

و قــبــــل نـهــايــتــــه

ســلـمـني لعـام تـانـي

وقـــــالــ لـيِّ خــــلاص

مــٰ تتـكلم عن الأحـلام

عــطــيـتـ ــك عــــــام

معـاه تحلـم ومن تـاني

تعيش الحلـم جـوايـا

مـــــــع الأحــــــــلام

و طــــــول الــعـــــام

تـتـمـنـى و تـرجـونـي

أ مــــــل كـــــــداب ..

و وعــدك إنـه يتـحقـق

.. مـــــع الأعــــــــوام

و عــيـــش الــوهــــــم

و اتـمـنـى و لاتـعــانـي

وصدقـهـم دا لـو قـالـوا

دي مـــــش أوهـــــام

و لــــو ســــــألـــونــي

فـى نـهـــايــــة عــــام

.. و مــطــلـــع عــــــام

. . . بـتـحـلــم بـأيــه؟!

أقـــــــول بــٰحـــلــــــم

أعــيـــــش بــســــــلام

محمود غازي درويش