**** وجع القلوب****
لو قلب اللى حبك ضاق
ايه بس هيساعك
ده الباقى يبقى نِفاق
وتزيد بقى اوجاعك
*******
قلبه اللى كان ترياق
يشفى بقى اوجاعك
من جرح الي حبه ما راق
زعلان على خداعك
*******
ليه بعت شوق وحنين
وجريت ورا خداعك
هانت عِشرت سنين
وعشقت مين باعك
******
صدقنى انا نسيتك
والقلب مابيبكيش
حمامي ساب بيتك
وطار ومن غير ريش
*******
كان لك من المحاسيب
وف حضرتك درويش
اهو فات جناب حضرتك
قفل البيبان والشيش
******
يا جروحي اهدي بقى
وياعيونى ما تبكيش
كم كل عاشق بقي
بعد الحبيب درويش
*******
No comments:
Post a Comment