بالحرف /////محمد_فتحي_الشيمي

بالحرف

مش كنتي قبل ما تدخلي
تستئذني
يا كاسرة باب قلبي
وانتي اللي جاية بتحزني
كتير العقل علي رفضك
قاعد بيوزني
ومعرفش ليه مسلم كدا
وانتي اللي خانقة الورد
ف دمعتي
قاتله روحه و لونه
كارهني ما عزني
ليه غاصبة مني الحرف
وسارقه تكوينه
ليه كل الكلام جبرا
داير ف ملكوتك
يمكن عشان الحبر
من دمي وبشروطك
انتي اللي عارفة
ازاي تمليه ف مخطوطك
ف يعرفني يحَّرَفني
علي كيفك
وينقشني بين السطور
بحار نسي شطوطك
ورقة ف مهب الريح
يتيم من اغصانك
اسير لجبروتك
ملكتي من الحرف
وهو مش ملكي
دا الحرف ايمان .. الحرف سلام
الحرف رصاص من ايد.قناص
الحرف رخام وساعات بيكون
مرمر مرصوص
الحرف غرام الحرف نفوس
علي آه بتدوس
الحرف قادوس يملا الغلة
يطعم ف الناس
الحرف تروس تبني المصنع
الحرف الشمس اللي بتسطع
ساعة مالدنيا مايظلمها
عتمة ظَّلام
الحرف يقين الحرف سلاح
دانة مدفع
الحرف دوا يشفي العيان
الحرف نوي
واول ما نطق ف الاسلام
الحرف نبيل الحرف جمال
قاعد ع الكون ومتربع
مدي الأيام
الحرف بشر مخلوق من طين
ونفخ الروح بكن فيكون
الحرف
ارواح بتتألف و تتعارف
وتتنافر منها ارواح تانيين
الحرف تبات الحرف ثبات
يوم مايجيلك ملكين ساءلين
وبالحرف الرز فاض ع الغلقان
واتبعترو منه حباته
القفة مادام بدون ودنين
وف بره الدار ناوي بياته
لو جاي وناوي ترد الكيل
بالحرف المولي حذر بالنار
علشان مانراجع حساباته
الرز كتير مين اللي بعتر
حباته
مروي بدموع مروي بمرار
اراضينا كلها مديونه
موروث م الجد لسابع جد
ف الحلق غصاته
الله يسامح كل سفيه
خلي الهيبة صبحت خيبة
بالحرف نحفر ع الناشف
وبالرز نسفلت طرقاته
بالحرف كله ف مصالحنا
وجروحنا صبحت دي جزاته
بالحرف متنا ياصبية
وجاية تسألي ع المحبوب
ماعادش منه غير الخلقات
ما ساترة حتي عوراته

محمد_فتحي_الشيمي