* تخدنى ..... ليه *** للشاعر / صابر الشناوى

*** تخدنى  ..... ليه ***
 للشاعر / صابر الشناوى

تاخدنى ......ليه
~~~~~      ~~~~~
تخدنى ليه وكان مالى
 تشغل قلبى وكان خالى
 تخدنى لدنيا محلاها
فى وسط طريقها وتسينى
 ويرجع قلبى تانى حزين
مجروح زى قلوب ياما
قلوب بالحزن مليانا
عيون للدمع عطشانا
وليه الأسوه م الأيام
وليه الناس حسدانا
تخدنى ليه وكان مالى
تشغل قلبي وكان خالي
~~~~      ~~~~~
تخدنى ليه من الفرحه
 تسبنى لهمى وظنونى
 تسينى لعيون جارحه
على حبى يلومنى
لا أنا الجانى على قلبى
 ولا ب لوم على عيونى
 عقلى حتى بيلومنى
وعينى  والنوم يخاصمنى
 وقلبى يقولى كان مالى
 تحب ليه وتألمنى
 تاخدنى ليه وكان مالى
تشغل قلبي وكان خالي
~~~~~      ~~~~
تخدنى ليه وتبعدنى
تسبنى لليل يعذبنى
وأسوه م اللى حواليا
على حبى تعاتبنى
ودمعى  ع الخدود يجرى
 يطول ليلى وفين فجرى
لا أنا بإيدى طلوع الشمس
 ولا بإيدى علاج قلبى
 تخدنى ليه  وكان مالى
 تشغل قلبى وكان خالى